http://centralmarket.tumblr.com/post/150610292635/%E7%BE%8E%E5%9C%8B%E6%9C%89%E9%8C%A2%E4%BD%AC%E7%B6%93%E5%85%B8%E6%9B%B8-%E4%B8%80%E6%9C%AC38%E5%B9%B4%E5%89%8D%E7%9A%84%E6%8A%95%E8%B3%87%E6%8C%87%E5%8D%97?fbclid=IwAR2JO0k_aluXj0gdjYgncIZuKuW9aGjEuroJVaZ4xQoiSLHRUu_2SaZfhM8
唔少外國人，都睇過呢本差唔多有40年歷史嘅昔日天書"The Only Investment Guide You’ll Ever Need"，點解到今日仲係被奉為經典，並未過時？皆因入面有10項投資心得，到咗今日，仲係幾得。
據了解，近日仲出埋更新版，教你點樣喺今日咁凶險嘅世界，撈多啲油水…
1. 用閒錢投資
只用長遠你唔係必須要用嘅錢去投資，例如你床下底收埋咗啲私己錢，與其零息率，不如至少都做零存整付，甚至股票投資。你知道呢筆錢，有無都唔會影響你周轉同生活部署。
2. 時刻著泳褲
市場因時而變，好市時記住昔日教訓，唔好市時亦要記得昔日好風光，試過一日幾轉好和味；市差，可能有最好嘅機會，市好，可能面前嘅係一個大陷阱﹗講到尾，退唔退潮都要著定泳褲，投資唔好睇季節，卻要睇眼光。
3. 唔好一鋪過
每個月只投資一部份，唔好急住買過百隻股票，諗住漁翁撒網。投資策略要有高、有低，預自己會用一生嚟投資。就算退休，都有退休後的投資計劃。
4. 由佢擺喺度
「永遠持有是很好的年期。」股神巴菲特講過，如果只Keep10分鐘不如唔好買，仲有股王騰訊，長揸會發達嘅例子，都係呢句說話嘅寫照。其實，差唔多40年前嘅投資心得都係一樣，啲錢由佢喺度，命運會令財富增長。
5. 分散投資
過百隻股票，作者唔建議咁買，不過買20隻股票，比單買2隻風險低，作者就覺得OK；如果畀你扑中埋咗隻Microsoft，又或者Intel咁長遠發力嘅公司，你嘅整體投資已經幾乎無得輸。
6. 唔理「嘈音」
股市有上有落，但唔代表件件事都同你有關；先擺脫貪心和恐懼心理，然後搵出屬於自己投資嘅聲音。巴菲特講過，個人情緒同投資回報，其實呈反比，唔知你又同唔同意呢？
7. 唔迷人人like的公司
有啲公司，個個都知掂，但如果個個都買，你又係咪掂嗰個？跟勢無問題，不過呢本投資指南建議還原基本步提醒大家，睇基本因素，都要睇埋市場預期，就算業績大有進步，股價都可以急跌。換言之，睇個勢你會點跟，跟水尾同「創勢」有好大分別。
8. 買資訊唔好慳皮
雖然多資訊唔代表多錢，往績唔代表啲乜，世上亦至少有一半專家係唔準嘅（例如樓市），不過多啲宏觀了解市況，似乎依然係必須要做嘅功課。如果要好貴咁去聽講座，作者就覺得，除非你真係堅有好多錢，否則去講座只會唔見錢，因為講者會叫你買貨。
9. 投資唔好再斷估
盡量唔好投機，唔好無原則咁買，沽來沽去得個吉。最好用一整套概念去買，例如價值投資，買完keep佢3、5、7年。唔好再斷估邊隻股票會升，要踏實收風做功課。
10. 但求唔破產
作者建議投資只係求財，唔使一定賺到盡；更唔要最高回報，但求唔好短時間內蝕到破產就得。作者話啲指數基金都唔錯，仲成為唔少股市老手嘅心水之選添﹗
以上10項，你又有邊樣做得到？
唔少外國人，都睇過呢本差唔多有40年歷史嘅昔日天書"The Only Investment Guide You’ll Ever Need"，點解到今日仲係被奉為經典，並未過時？皆因入面有10項投資心得，到咗今日，仲係幾得。
據了解，近日仲出埋更新版，教你點樣喺今日咁凶險嘅世界，撈多啲油水…
1. 用閒錢投資
只用長遠你唔係必須要用嘅錢去投資，例如你床下底收埋咗啲私己錢，與其零息率，不如至少都做零存整付，甚至股票投資。你知道呢筆錢，有無都唔會影響你周轉同生活部署。
2. 時刻著泳褲
市場因時而變，好市時記住昔日教訓，唔好市時亦要記得昔日好風光，試過一日幾轉好和味；市差，可能有最好嘅機會，市好，可能面前嘅係一個大陷阱﹗講到尾，退唔退潮都要著定泳褲，投資唔好睇季節，卻要睇眼光。
3. 唔好一鋪過
每個月只投資一部份，唔好急住買過百隻股票，諗住漁翁撒網。投資策略要有高、有低，預自己會用一生嚟投資。就算退休，都有退休後的投資計劃。
4. 由佢擺喺度
「永遠持有是很好的年期。」股神巴菲特講過，如果只Keep10分鐘不如唔好買，仲有股王騰訊，長揸會發達嘅例子，都係呢句說話嘅寫照。其實，差唔多40年前嘅投資心得都係一樣，啲錢由佢喺度，命運會令財富增長。
5. 分散投資
過百隻股票，作者唔建議咁買，不過買20隻股票，比單買2隻風險低，作者就覺得OK；如果畀你扑中埋咗隻Microsoft，又或者Intel咁長遠發力嘅公司，你嘅整體投資已經幾乎無得輸。
6. 唔理「嘈音」
股市有上有落，但唔代表件件事都同你有關；先擺脫貪心和恐懼心理，然後搵出屬於自己投資嘅聲音。巴菲特講過，個人情緒同投資回報，其實呈反比，唔知你又同唔同意呢？
7. 唔迷人人like的公司
有啲公司，個個都知掂，但如果個個都買，你又係咪掂嗰個？跟勢無問題，不過呢本投資指南建議還原基本步提醒大家，睇基本因素，都要睇埋市場預期，就算業績大有進步，股價都可以急跌。換言之，睇個勢你會點跟，跟水尾同「創勢」有好大分別。
8. 買資訊唔好慳皮
雖然多資訊唔代表多錢，往績唔代表啲乜，世上亦至少有一半專家係唔準嘅（例如樓市），不過多啲宏觀了解市況，似乎依然係必須要做嘅功課。如果要好貴咁去聽講座，作者就覺得，除非你真係堅有好多錢，否則去講座只會唔見錢，因為講者會叫你買貨。
9. 投資唔好再斷估
盡量唔好投機，唔好無原則咁買，沽來沽去得個吉。最好用一整套概念去買，例如價值投資，買完keep佢3、5、7年。唔好再斷估邊隻股票會升，要踏實收風做功課。
10. 但求唔破產
作者建議投資只係求財，唔使一定賺到盡；更唔要最高回報，但求唔好短時間內蝕到破產就得。作者話啲指數基金都唔錯，仲成為唔少股市老手嘅心水之選添﹗
以上10項，你又有邊樣做得到？
留言
張貼留言