【其實唔難】王維基：藐視年輕人攞上位、上車難做藉口

(http://hk.apple.nextmedia.com/realtime/finance/20170627/56882274)

香港電視（1137）上市20年，適逢香港回歸廿周年。王維基接受《信報》訪問稱，從沒後悔所作的每一個決定，認為香港仍是一個很好、自由的地方。他又寄語年輕人不要只懂抱怨上位、上車難，要做好準備、儲錢、發奮，「因為未ready而去投訴社會唔畀機會，我唔係好贊成呢種態度。」


訪問中王維基講到時下年輕人只懂埋怨，而不做好準備。「Package Lau」上身的他表示，不同意年輕人難上位、難上車的說法，「好慳都買唔到樓，你先同我講啦」。他認為就算樓價跌三、四成，很多年輕人都上不到車，因為他們「根本冇儲蓄，我係藐視好多年輕人，攞咗呢個藉口去放棄自己」。


除了批年輕人沒有儲蓄外，王維基又指他們缺乏發奮的心態，「大部分嘅發奮係逼出嚟，但香港已經冇咗呢個逼嘅環境」。他認為要創業成功就不會有work life balance，「呢樣我又藐到飛起…冇一個成功嘅創業家係有work life balance，成功咗之後唔好講」。


由搞電訊到搞電視，直至今天搞網購的王維基，用「痛苦」來形容現狀，網購業務現時每日蝕約60萬。不過他表示從不後悔，因為自己每件事都盡了力。